治白癜风多少钱 https://m-mip.39.net/nk/mipso_7745188.html
作者：徐琏
改编：郭莉
讲述：胡剑慧
审阅、推荐：丁迪蒙
编辑：王乙其
要讲春季第一菜，当然就是韭菜了。侬看，韭菜根像白玉，韭菜叶像翡翠，一棵棵鲜嫩欲滴。勒古代，韭菜曾经是菜肴中个“贵族”，是祭祀必备个贡品菜。勒勒《诗经·豳风·七月》里向，就有“四之日其蚤，献羔祭韭”个句子；《史记》《资治通鉴》等史书里向，也有用鸡蛋炒韭菜进行祭祀个内容。直到明清时期，韭菜用来祭祀个做法，还是邪气盛行个。
作为乡野人家个小家碧玉，韭菜深得历代文人墨客欢喜，古诗词里向，可以寻到勿少描写韭菜个诗句。唐杜甫搿能写:“夜雨剪春韭，新炊间黄粱。主称会面难，一举累十觞。”讲个是因为战争，老朋友长远勿见面了。想勿到今朝久未相见个老朋友来了，主人冒雨割来头茬春韭，再焖一镬子香喷喷个黄粱米饭，宾主开怀畅饮，一醉方休。韭菜蕴含了朋友之间绵绵情意。宋代苏轼呢，伊有一句“渐觉东风料峭寒,青蒿黄韭试春盘”，倒春寒，冷啊！来来来，吃韭菜。苏东坡实质浪是讲出了韭菜温中行气、补肾助阳个养生功效。
现在，韭菜是百姓餐桌个一道家常小菜。我个家乡崇明，农家几乎家家户户侪种韭菜。韭菜并勿需要成片土地，种起来也蛮简单，只要勒勒宅边、沟边随便种一两行，韭菜就会得生生不息，一茬又一茬个割。
韭菜像小草一样，平凡又有邪气顽强个生命力，一年四季侪有，但是初春个韭菜最是上品。有人对韭菜浓郁、特殊个气味反感，其实迭个气味偏生就是好物事，迭个气味是一种硫化物，对人体可以起到杀菌消炎作用。强烈个气味，使得菜虫侪勿敢亲近，所以韭菜是用勿着打农药个，侬尽管放心吃。
崇明老家吃韭菜是邪气随意个，有空割一把，汏清爽一炒头，碧绿生青。有人客来要考究眼，葛末韭菜炒鸡蛋，韭菜炒田螺肉、蚌肉。鸡蛋是自家屋里养个鸡生个，田螺搭仔蚌，是勒勒宅沟里向摸个。想着吃馄饨、饺子了，韭菜也是老好个馅子。
作家西坡先生，擅长写作美食文章，我读过伊写个《合子，或者韭菜合子》搿篇，文章详细写了面食“韭菜合子”个做法，我只觉着繁琐。我欢喜个是家常韭菜饼，操作简单，用勿着特别和面。只要割一把韭菜，汏好切好，大碗里准备好面粉，韭菜倒进去，打只鸡蛋，加适量盐、水，一道调成面糊；镬子里倒适量油，油热了倒面糊进去，小火慢慢叫煎香，翻面。一歇歇辰光，一大只黄绿相间、色泽诱人个韭菜饼就成功了，切小块装盘，咬伊一口，真是清香四溢，让人回味无穷啊！
作者：徐琏
——————————————————
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
预览时标签不可点收录于话题#个上一篇下一篇